Monthly Archives: September 2011

M15MBizkaiak, azkeneko egunetan Kukutza III Gaztetxearen huste eta eraistean gertatutakoaren aurrean, adierazten du:

• Kukutza Errekalde auzoko gune kultural eta sozial hartua da, Bilboko Udalak betidanik ahaztuta izan duen langileen auzo batekoa. Errekaldek daukan guztia auzokideek beren ahaleginari esker lortu dute eta kultura eskaintza ezari erantzunez, Kukutzak mota guztietako ekintzak eskeini ditu: dantza, musika, rokodromoa, jantoki begetarianoa, kontzertuak, liburutegia, antzerki tailerrak, malabarismo eta zirkua beste gauza askoren artean.

  Erabat autogestionatutako gune soziala eraiki dute, 13 urtez, pixkanaka, non auzoko jende guztiak, nahi zuen edonork, partehartzeko aukera izan duen eta elkarte ezberdinak beren ekintzak aurrera eramateko tokia aurkitu duten. Lan egiteko modua beti izan da asanblearioa, Kukutzaren filosofia, beste gauzen artean, pertsona guztiak berdinak garela eta ahots guztiak kontutan hartu behar direla defendatzen duelako.

• Kukutza III barne hartzen zuen eraikuntza industriala orain dela 20 urte baino gehiago justiziatik ihesi zebilen droga-trafikatzaile baten jabetza zen; bere kontrabandoaren estalkia zelarik. Orain dela 13 urte Kukutzak lokala okupatu zuen, gero txukundu, konpondu eta bere aktibitateak martxan jarri zituen. Jabearen ihesaz gero hamar urte igaro zirenean, bere ondarea enkantean jartzerakoan, Bilboko Udalak erosteko aukera izan zuen, auzoko elkarteek eskatu zioten bezala baina espekulatzea aukeratu zuen, etxebizitzak egiteko lurzoruaren moduan birkalifikatuz.

  Errekaldeko auzoan etxebizitzen %10a hutsik dago eta beste 3 eraikuntza proiektatuta daude. Lurzorua Cabisa-k erosi zuen, Castrum Varduliex-en jabe berberak dituen enpresa, Kantabriako epaile batek Castron eraikitzea eragotzi dielarik proiektuaren manipulazio ilegala aurkitzeagatik birpartzelazio prozesuan. Auzoko elkarte asko, partidu politikoak, kolektiboak eta erakundeak aurka zeuden.

  Gainera, Kukutza III barne hartzen zuen eraikuntza Bilboko Ondare Industrialaren Katalogo Orokorraren barnean zegoen, baita EHKAren Ondare Industrialaren Inbentarioan, Eusko Aldundiaren Kultura eta Euskera sailean ere.

• Poliziak erabilitako biolentzia salatzen dugu Irailaren 21ean huste basatiaren hasieratik: laguntasun adierazpen baketsuen kontra, 22ko martxan eta bereziki 23an eraistean.

• Jasanezinak dira “segurtasun”-indarrek praktikan jarri dutena:

  • Bereizgabeko erasoak
  • Erasoak leku itxietan: Unamunoko metro geltokian, Amezolako tren geltokian eta atarietan.
  • Leiho eta balkoietan zeudenei tiro egitea.
  • Errekaldeko anbulatorioan sartzea itxarongelan zeuden pertsonak identifikatzeko eta medikuaren parteak “konfiskatzeko”.
  • Jabetza pribatuaren txikizioa: negozioen pertsianak, atarietako ateak, terrazak…
  • Objetu pertsonalen konfiskatzea, argazki kamarak eta mugikorrak irudiak heda ez ditzagun.
  • Mehatxu eta indarkeria (“Nos hemos quedado con tu cara, como te veamos en otras manifestaciones te vamos a meter por kale borroka”)
  • Furgonetetatik egindako tiro-segidak.

• Geure konpromezua errepikatzen dugu biolentziaren kontra, nahiz eta ulertzen dugun pertsonen defendatzeko beharra poliziaren neurrizgabeko jokabidearen aurrean; biolentziak biolentzia eragiten du.

• Auzoarekin eta auzoarentzat ekitearen ideala defendatzea partekatzen dugu eta kalteak suntsitzeagatik egin dituztenen kontra gaude.

Manifestazio ixilean aipatu zen bezala: “Kukutza bizirik dirau eta indartu egin gaituzte!” Kukutza aurrera, eraikin bat bota dezakete, baina ametsa inoiz ez!

KUKUTZA BIZIRIK!!